МАХКАМЗОДА Махсудҷон
Мудири Котиботи Сарвазири Ҷумҳурии Тоҷикистон
Махкамзода Махсудҷон 15-уми майи соли 1986 дар шаҳри Хуҷанд таваллуд шудааст. Миллаташ тоҷик. Маълумоташ олӣ. Соли 2009 филиали Донишгоҳи технологии Тоҷикистонро дар шаҳри Хуҷанд бо ихтисоси молия ва қарз хатм кардааст.
Солҳои 2008-2013 ба ҳайси иқтисодчии Ҷамъияти дорои масъулияташ маҳдуди «Комрон»-и ноҳияи Б.Ғафуров, мутахассиси Шуъбаи ташкилии мақомоти иҷроияи ҳокимияти давлатии шаҳри Хуҷанд, мутахассиси пешбари Шуъбаи баҳисобгирии даромадҳои Сарраёсати молияи вилояти Суғд, сармутахассиси Шуъбаи сиёсати андоз ва пардохтҳои давлатии Сарраёсати молияи вилояти Суғд ва ёрдамчии Раиси вилояти Суғд кор кардааст.
Аз соли 2013 то соли 2016 ҳамчун Реферанти Котиботи Сарвазири Ҷумҳурии Тоҷикистон кор карда, бо Амри Президенти Ҷумҳурии Тоҷикистон аз 22-юми феврали соли 2016 Мудири Котиботи Сарвазири Ҷумҳурии Тоҷикистон таъин шудааст.
Оиладор соҳиби ду фарзанд.