15 феврал Президенти Ҷумҳурии Тоҷикистон Эмомалӣ Раҳмон вобаста ба ҳалокати фоҷиавии Сарвазири собиқи Лубнон Рафиқ Ал-Ҳарирӣ, ки дар натиҷаи таркиши мудҳише дар Бейрут сурат гирифт, ба Президенти Ҷумҳурии Лубнон Эмил Лаҳуд барқияи таъзия ирсол намуд. Дар он Сарвари давлат ин амали ваҳшиёнаи террористиро сахт маҳкум карда, ба Ҳукумат ва мардуми ин кишвар изҳори ҳамдардию тассалият намуд.
"Аз фоҷиае, ки дар шахтаи музофоти Ляонини Ҷумҳурии Мардуми Чин ба вуқӯъ пайваста, сабаби талафоти зиёди ҷонӣ гардидааст, амиқан андӯҳгинам", - гуфта мешавад дар барқияи дигаре, ки Сарвари давлати Тоҷикистон Эмомалӣ Раҳмон ба раиси Ҷумҳурии Мардуми Чин Ху Тзин Тао фиристод.
Худи ҳамин рӯз Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Исломии Эрон Сайид Муҳаммади Хотамӣ дар мавриди оташсӯзӣ дар масҷиди бузурги Арки Теҳрон, ки боиси ҳалокати теъдоди зиёди мардум гардидааст, барқия фиристода, ба Сарвари давлат ва халқи Эрон изҳори ҳамдардӣ намуд.