Президенти Ҷумҳурии Тоҷикистон

Барқияи табрикӣ ба Президенти Ҷумҳурии Ӯзбекистон Ислом Каримов

01.09.2005 08:00, шаҳри Душанбе

1 сентябр Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Ӯзбекистон Ислом Каримов барқияи шодбош фиристод, ки дар он омадааст:

"Ҷаноби Президент, Шумо ва дар симои Шумо тамоми мардуми ӯзбекро ба муносибати солгарди истиқлолияти давлатии Ҷумҳурии Ӯзбекистон аз самими қалб табрик менамоям.

Тоҷикистон равнақу ривоҷи ҳамкории минтақавиро қотеъона ҷонибдорӣ карда, муносибатҳои нек ва ҳамкории Тоҷикистону Ӯзбекистонро ҳамчун ҷузъи муҳимтарини ҷараёни ҳамгироии мамлакатҳои минтақа баррасӣ менамояд ва тарафдори равнақу ривоҷи манбаъдаи он мебошад.

Мо ба қадри дӯстии деринаи халқҳоямон ва ҳусни ҳамҷавории онҳо мерасем, ки халқҳоямонро ба ҳамдигар мепайвандад. Азми қавӣ дорем, ки ин муносибатҳо ва ҳамкории кишварҳоямон бо иқдомҳои нави амалӣ ғанӣ гардонда ва мустаҳкам карда шаванд.        

Ислом Абдуғаниевичи мӯҳтарам, дар ин лаҳзаҳои фараҳбахш ба Шумо сиҳатии комил, барори кор ва ба халқи бародари ӯзбек сулҳу осоиш, шукуфоӣ ва рӯзгори фараҳмандона орзу менамоям".

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520