20 сентябр Президенти Ҷумҳурии Тоҷикистон Эмомалӣ Раҳмон ба унвони Президенти Ҷумҳурии Арманистон Роберт Кочарян барқияи шодбош фиристод, ки дар он аз ҷумла гуфта мешавад:

"Роберт Седраковичи мӯҳтарам, бо камоли фараҳмандии бузург Шумо ва тамоми халқи арманро ба муносибати иди миллии мамлакататон - Рӯзи истиқлолияти Ҷумҳурии Арманистон самимона табрик намуда, орзуҳои неки худро баён менамоям.

Боварӣ дорам, ки ҳамкории давлатҳоямон ба туфайли ҷидду ҷаҳди якҷояи мо ба манфиати халқҳо ва мамлакатҳоямон муттасил густариш меёбад.

Мо барои равнақу ривоҷи ҳамарӯзаи ҳамкории давлатҳоямон ҳамаи тадбирҳои инконпазирро меандешем.

Роберт Седраковичи мӯҳтарам, аз ин фурсати мусоид истифода бурда, ба Шумо саломатӣ, хушбахтӣ, барори кор ва ба халқи бо мо дӯсти Арманистон сулҳу ободӣ ва рӯзгори фараҳмандона орзу мекунам".