15 ноябр Президенти Ҷумҳурии Тоҷикистон Эмомалӣ Раҳмон ба Раиси Кумитаи Иҷроияи Созмони Озодибахши Фаластин, Раиси Ҳокимияти Миллии Фаластин Маҳмуд Аббос барқияи таҳният фирстод, ки дар он, аз ҷумла, гуфта мешавад:                        

"Ба муносибати иди миллии мамлакати Шумо - Рӯзи истиқлолияти давлатии Фаластин табрику таҳнияти самимонаи маро қабул намоед.

Умедворам, ки истиқрори сулҳу суботи Шарқи Наздик уфуқҳои нави ҳамкории байни мамлакатҳои моро мекушояд.

Аз ин имконияти хуш истифода намуда, ба Шумо, Аълоҳазрат, тансиҳатӣ, саодату муваффақиятҳо ва ба халқи дӯсти Фаластин сулҳу беҳбудӣ орзу менамоям".