31 январ Президенти Ҷумҳурии Тоҷикистон Эмомалӣ Раҳмон ба муносибати Иди қурбон ба унвони сарони давлатҳои хориҷӣ, аз ҷумла Эрон, Покистон, Туркия, Индонезия, Малайзия, Афғонистон, Миср, Арабистони Саудӣ, Алҷазоир, Кувайт, Аморати Муттаҳидаи Араб ва мамлакатҳои дигари исломӣ номаҳои шодбош фиристод.
Ба муносибати Иди Қурбон Сарвари давлати Тоҷикистон Эмомалӣ Раҳмонро сарони бисёр давлатҳо табрик намуданд. Аз ҷумла, ба унвони Эмомалӣ Раҳмон аз номи Президенти Туркия Аҳмад Наҷоти Сезар, Президенти Туркманистон Сафармурод Ниёзов, Султони Уммон Қобус ибни Саид, Президенти Яман Алӣ Абдуллои Солеҳ, Муншии умумии Созмони конфронси исломӣ ва ғайра номаҳои шодбош расиданд. Дар Барқияи шодбошии Президенти Иёлоти Муттаҳидаи Амрико Ҷорҷ Буш гуфта мешавад:
«Ҷаноби мӯҳтарам Президент, Шумо ва халқи Тоҷикистонро ба муносибати Иди Қурбон аз номи мардуми Амрико табрик менамоям. Зимни таҷлили ин иди мусулмонони ҷаҳон хотираи қурбониёнро пос дошта, ба саҳми Тоҷикистон дар бобати истиқрори сулҳ дар Афғонистон ва таъмини амнияти Осиёи Марказӣ баҳои баланд медиҳам. Хеле фараҳмандам, ки Тоҷикистон дӯсти Амрико буда, барои таъмини мустақилият, ободӣ, ҷорӣ кардани принсипҳои демократия ва озодӣ дар давлатҳои Осиёи Марказӣ бо мо ҳамкорӣ мекунад».