29 октябр Президенти Ҷумҳурии Тоҷикистон Эмомалӣ Раҳмон ба унвони Президенти Ҷумҳурии Туркия Аҳмад Наҷот Сезар барқияи табрикотӣ ирсол намуд, ки дар он аз ҷумла чунин омадааст: «Шуморо бо муносибати солгарди Рӯзи эълон шудани Ҷумҳурии Туркия аз самими қалб муборакбод менамоям.
Тоҷикистон муносибатҳои дӯстиро бо Туркия, ки таърихи бисёрасра доранд, қадр мекунад. Мо боварӣ дорем, ки ҳамкории ҳамаҷонибаи миёни ҳар ду мамлакат, ки омили муҳимми сулҳу суботи минтақа мебошад, ба манфиати халқҳоямон минбаъд ҳам рушду густариш меёбад. Мехоҳам ба Шумо итминон диҳам, ки Ҷумҳурии Тоҷикистон барои таҳкими муносибатҳои Тоҷикистон ва Туркия дар ҳамаи соҳаҳо тамоми чораҳои заруриро мебинад.
Иҷозат диҳед ба Шумо, ҷаноби Президент, тансиҳатии бардавом ва дастовардҳои нав дар мансаби масъулиятнокатон ва ба халқи турк беҳбудиву шукуфоӣ орзу намоям».