Нимаи дуюми рӯзи 20 ноябр дар варзишгоҳи марказии ҷумҳурӣ бахшида ба ҷашни пойтахти ҷумҳурӣ намоиши калони идона баргузор гардид.
Дар ин маросими пуршукӯҳ Президенти ҷумҳурӣ Эмомалӣ Раҳмон иштирок карда, ҳамаи ҳозиринро табрик намуда зикр кард, ки Душанбе дар давраи кӯтоҳи таърихӣ ба маркази бузурги иқтисодӣ ва фарҳангию маънавии мамлакат табдил ёфт, ки дар он намояндагони миллатҳои гуногун дӯстона ва бародарона зиндагӣ мекунанд. Қайд карда шуд, ки Душанбе пойтахти Тоҷикистони мустақилу соҳибихтиёр ва узви комилҳуқуқи ҷомеаи ҷаҳон мебошад.
Баъд ба шарафи ҷашни пойтахт аз тӯпҳо шиллик парронда шуд.