25 март Президенти Ҷумҳурии Тоҷикистон Эмомалӣ Раҳмон бо сафари расмӣ ба шаҳри Брюссел омад.
Худи ҳамин рӯз мулоқоти ӯ бо Шоҳи Белгия Алберти II доир гардид.
Дар ҷараёни музокирот маҷмӯи васеи масъалаҳои дуҷониба ва байналмилалӣ муҳокима гардиданд. Дар ин робита ҷонибҳо омодагии худро ба инкишофи минбаъдаи муносибатҳои шарикӣ ва ҳамкории мутақобилан судманд таъкид карданд.
25 март Президенти Ҷумҳурии Тоҷикистон Эмомалӣ Раҳмон бо Котиби генералии НАТО лорд Ҷорҷ Робертсон дар Брюссел мулоқот дошт.
Дар ҷараёни сӯҳбат ҷонибҳо бо назардошти иштироки Тоҷикистон дар фаъолияти Шӯрои шарикони Аврупою Атлантика ва Барномаи НАТО "Ҳамкорӣ ба хотири сулҳ" самтҳо ва соҳаҳои ҳамкориро баррасӣ намуданд. Аҳамияти ин иқдом барои амнияти миллии Тоҷикистон ва нигоҳ доштани суботи минтақавӣ таъкид гардид.
Ҷонибҳо қарор доданд, ки Котиби генералии НАТО дар моҳи июни соли 2003 ба Тоҷикистон сафар намояд.