9 апрел музокироти Тоҷикистону Украина дар ҳайати васеъ бо иштироки Сарони ҳар ду давлат идома ёфтанд. Баъд аз ин баррасии муфассали проблемаҳои мавҷуда доир гардид. Дар ҷараёни музокирот дар ҳайати васеъ ҷонибҳо ҳамчунин оид ба масъалаҳои минтақавӣ ва байналмилалӣ мубодилаи афкор карданд.
Баъд аз анҷоми музокирот маросими имзои санадҳои дуҷониба дар ҳузури Сарони ду давлат доир гардид. Аз ҷумла, Изҳороти муштараки Президенти Ҷумҳурии Тоҷикистон ва Президенти Украина, Ахднома дар бораи ҳамкории иқтисодии дарозмуддат барои солҳои 2003-2012, Созишнома дар бораи ҳамкорӣ дар мубориза бар зидди гардиши ғайриқонунии маводи мухаддир, Созишнома байни Бонки миллии Тоҷикистон ва Бонки миллии Украина оид ба ташкил намудани ҳисоббаробаркунӣ ва як қатор ҳуҷҷатҳои дигар ба имзо расиданд.