18 июн дар Теҳрон мулоқоти сеҷонибаи Президенти Ҷумҳурии Тоҷикистон Эмомалӣ Раҳмон, Раиси Ҳукумати интиқолии Афғонистон Ҳомид Карзай ва Президенти ҶИЭ Сайид Муҳаммади Хотамӣ доир гардид.
Баъд аз анҷоми мулоқот Созишномаи сеҷониба оид ба интиқоли байналмилалии мусофирон ва борҳо ба имзо расид. Ин санад сохтмони роҳи автомобилгардро дар қаламрави Афғонистон пешбинӣ мекунад, ки дар оянда Тоҷикистон ва Эронро бо ҳам мепайвандад.