2 январ Президенти Ҷумҳурии Тоҷикистон Эмомалӣ Раҳмон вазири мудофиаи Фаронса Ален Ришарро, ки ба Тоҷикистон ташриф овардааст, ба ҳузур пазируфт.

Зимни мулоқот оид ба мавзӯъҳои рӯзмарраи ҳамкории Тоҷикистону Фаронса ва масъалаҳои байналамилалии мавриди таваҷҷӯҳи тарафайн мубодилаи афкори пурмӯҳтаво доир гардид.

Мусоҳибон ба баррасии масъалаҳое, ки барои минтақа дар марҳилаи кунунӣ аҳамияти махсус доранд, диққати калон доданд. Ҳангоми сӯҳбат масъалаҳои вобаста ба вазъияти Афғонистон ва барқарорсозии баъдиҷангии он мақоми асосӣ гирифтанд.