25 май Президенти Ҷумҳурии Тоҷикистон Эмомалӣ Раҳмон Вазири мудофиаи Афғонистон маршал Муҳаммадқосим Фаҳимро ба ҳузур пазируфт.
Зимни сӯҳбати пурмазмун маҷмӯи васеъи масъалаҳои дуҷониба ва байналмилалӣ мавриди баррасӣ карор гирифт. Ҷонибҳо ба дурнамои ба низом даровардани минбаъдаи вазъи сиёсӣ, иқтисодӣ ва иҷтимоӣ дар Афғонистон таваҷҷӯҳи махсус зоҳир намуданд. Мусоҳибон ҳамчунин имкониятҳои ҳамкориро дар соҳаҳои иқтисодиёт, нақлиёт, мубориза бар зидди гардиши ғайриқонунии маводи нашъаовар, фарҳанг ва омода сохтани кадрҳо муҳокима карданд.