29 июл Президенти Ҷумҳурии Тоҷикистон Эмомалӣ Раҳмон боз як амри башардӯстонаро ба имзо расонд, ки мутобиқи он ба Вазорати молияи ҷумҳурӣ супориш дода шуд, ки аз ҳисоби маблағҳои фонди эҳтиётии Сарвари давлат ба ҳукумати ноҳияи Айнии вилояти Суғд 308 ҳазор сомонӣ, аз ҷумла барои сохтмони 6 бинои нотамом 108 ҳазор сомонӣ ва барои сохтмони мактаб 200 ҳазор сомонӣ ҷудо намояд.
Ҳамзамон ҳукумати ноҳияи Айнӣ вазифадор гардид, ки истифодаи мақсаднок ва самарабахши маблағҳои ҷудошударо таъмин намуда, ба Ҳукумати Ҷумҳурии Тоҷикистон маълумоти марбута манзур намояд.
29 июл Президенти Ҷумҳурии Тоҷикистон Эмомалӣ Раҳмон ҳамчунин боз як амри башардӯстонаро ба имзо расонд, ки мутобиқи он ба Вазорати молияи ҷумҳурӣ супориш дода шуд, ки аз ҳисоби маблағҳои фонди эҳтиётии Сарвари давлат ба ҳукумати Вилояти Мухтори Кӯҳистони Бадахшон ҷиҳати сохтмони хонаҳои истиқоматӣ барои аҳолии аз офатҳои табиӣ зарардида 200 ҳазор сомонӣ ҷудо намояд.
Ҳамзамон ҳукумати Вилояти Мухтори Кӯҳистони Бадахшон вазифадор гардид, ки истифодаи мақсаднок ва самарабахши маблағҳои ҷудошударо таъмин намуда, ба Ҳукумати Ҷумҳурии Тоҷикистон маълумоти марбута манзур намояд.