30 июн Президенти Ҷумҳурии Тоҷикистон Эмомалӣ Раҳмон маҷлиси навбатии Ҳукумати Ҷумҳурии Тоҷикистонро доир намуд.
Маҷлис чун анъана аз баррасии масъалаи кадрҳо оғоз ёфт.
Яке аз масъалаҳои асосии дар маҷлис муҳокимашуда ҷамъбасти натиҷаҳои иҷтимоию иқтисодии хоҷагии халқи ҷумҳурӣ дар давоми нимаи аввали соли 2001 буд.
Роҷеъ ба ин масъала вазири молия Сафаралӣ Наҷмиддинов, раиси Кумитаи андози Ҳукумати Ҷумҳурии Тоҷикистон Хол Машрабов, раиси Кумитаи гумруки назди Ҳукумати Ҷумҳурии Тоҷикистон Мирзохуҷа Низомов ва вазири кишоварзӣ Турсун Раҳматов ҳисобот доданд.