Президенти Ҷумҳурии Тоҷикистон

Машварати корӣ оид ба масъалаҳои татбиқи амалии лоиҳаҳои маблағгузорӣ

24.11.2001 12:00, шаҳри Душанбе

24 ноябр Президенти Ҷумҳурии Тоҷикистон Эмомалӣ Раҳмон бо роҳбарони вазоратҳо ва дигар сохторҳои давлатӣ оид ба масъалаҳои татбиқи амалии лоиҳаҳои маблағгузорӣ машварат доир намуд.

Дар ҷараёни машварат зикр гардид, ки то имрӯз дар ҷумҳурӣ даҳ лоиҳаи маблағгузорӣ мавриди татбиқ қарор доранд.

Сардори давлат оид ба нодуруст истифода бурдани маблағҳо аз ҷониби як қатор марказу идораҳои ҷумҳуриявӣ, риоя нагардидани ҷадвали татбиқи лоиҳаҳо, дар заминаи баъзе лоиҳаҳо дар давоми ду сол ба натиҷаҳои дилхоҳ ноил нагардидан, истифодаи ғайримақсадноки маблағҳо, зиёд нишон дода шудани ҳаҷми корҳои анҷом додашуда сухан ронд.

Эмомалӣ Раҳмон аз вазири молияи Ҷумҳурии Тоҷикистон Сафаралӣ Наҷмуддинов қотеона талаб намуд, ки саривақт ҷудо намудани саҳмияҳои Ҳукумати Ҷумҳурии Тоҷикистон дар барномаҳо маблағгузорӣ карда шавад.

Дар машварат ба Кумитаи назорати давлатии молиявӣ якҷоя бо вазоратҳои иқтисод ва савдо, молия ва маркази ҳамоҳангсозии кӯмаки берунаи назди Президенти Ҷумҳурии Тоҷикистон супориш дода шуд, ки нақшаи чорабиниҳоро оид ба пешгирӣ намудани коррупсия дар марказҳои идораи лоиҳаҳои қарз ва таъмини аёнияти фаъолияти онҳо таҳия сохта, барои баррасӣ ба Ҳукумати Ҷумҳурии Тоҷикистон пешниҳод намоянд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520