Саидвализода Барно Саиднабӣ
Сардори Раёсати ҳуқуқи Дастгоҳи иҷроияи Президенти Ҷумҳурии Тоҷикистон
Саидвализода Барно Саиднабӣ 4 октябри соли 1973 дар Ҷумҳурии Тоҷикистон таваллуд шудааст, миллаташ тоҷик, маълумоташ олӣ, номзади илми ҳуқуқшиносӣ.
Солҳои 1993-1996 дар вазифаҳои муфаттиш ва муфаттиши калони Раёсати корҳои дохилии вилояти Хатлон, солҳои 1996-2009 дар вазифаҳои муфаттиш ва муфаттиши калон оид ба корҳои махсусан муҳими Раёсати корҳои дохилӣ дар нақлиёти Вазорати корҳои дохилии Ҷумҳурии Тоҷикистон, солҳои 2009-2012 дар вазифаи сардори шуъбаи тафтишотии Раёсати тафтишотии Вазорати корҳои дохилии Ҷумҳурии Тоҷикистон адои хизмат намудааст. Аълочии милитсияи Ҷумҳурии Тоҷикистон. Дорандаи рутбаи ҳарбии полковники милитсия мебошад.
Бо амрҳои Президенти Ҷумҳурии Тоҷикистон аз 10 январи соли 2012, №АП-1829 ба вазифаи муовини Директори Маркази миллии конунгузории назди Президенти Ҷумҳурии Тоҷикистон, аз 21 феврали соли 2014, №АП-173 ба вазифаи муовини Сардори Раёсати ҳуқуқи Дастгоҳи иҷроияи Президенти Ҷумҳурии Тоҷикистон, аз 8 майи соли 2017, №АП-875 ба вазифаи Сардори Раёсати ҳуқуқи Дастгоҳи иҷроияи Президенти Ҷумҳурии Тоҷикистон таъин гардид.
Бо фармони Президенти Ҷумҳурии Тоҷикистон аз 11 июли соли 2016, №723 бо мукофоти давлатии медали «Хизмати шоиста» сарфароз гардидааст.
Оиладор, соҳиби як фарзанд мебошад.