Нимаи аввали рӯз Президенти Ҷумҳурии Тоҷикистон Эмомалӣ Раҳмон бо Президенти тозаинтихоби Федератсияи Русия Владимир Путин гуфтугӯи телефонӣ анҷом дод.
Владимир Путинро Сарвари давлати Тоҷикистон бо пирӯзии эътимодбахш дар интихоботи Президенти Федератсияи Русия, ки 4 – уми марти соли равон баргузор гардид, сидқан ва самимона табрику таҳният гуфт. Эмомалӣ Раҳмон ба Владимир Путин дар мақоми нав дастоварду комёбиҳои баланд таманно намуда, изҳори боварӣ кард, ки ҳамкории босамари Тоҷикистону Русия ба нафъи мардумони ҳарду кишвар таҳкиму густариш меёбад.