Президенти Ҷумҳурии Тоҷикистон

Ифтитоҳи майдони Парчами давлатӣ дар ноҳияи Вахш

23.09.2020 08:21, ноҳияи Вахш
Ифтитоҳи майдони Парчами давлатӣ дар ноҳияи Вахш  23.09.2020

23 сентябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Вахши вилояти Хатлон майдони Парчами давлатии Ҷумҳурии Тоҷикистонро мавриди баҳрабардорӣ қарор доданд. 

Парчами давлатии Ҷумҳурии Тоҷикистон дар шафати бинои Мақомоти иҷроияи ҳокимияти давлатии ноҳияи Вахш бахшида ба ҷашни сазовори 30 - солагии Истиқлоли давлатӣ аз тарафи соҳибкори ватандӯсти ноҳия Ҳусейн Ашуров бунёд гардида, баландиаш бо назардошти минбар 52 метрро ташкил медиҳад. 

Паҳноии матои Парчами давлатии Ҷумҳурии Тоҷикистон 7 ва дарозиаш 14 метрро дар бар гирифта, корҳои сохтмонӣ дар сутунпояи он аз ҷониби коргарону мутахассисони Ҷамъияти дорои масъулияти маҳдуди “Спетс Техника” дар муддати қариб як сол бо сатҳу сифати баланд ба анҷом расонида шуд.

Майдони Парчами давлатӣ 70 садяк заминро ташкил намуда, дар ҳудуди он гулҳои ҳархелаи мавсимӣ шинонида шудааст.

Ҳамзамон аз ду тарафи сутунпояи Парчам 2 фаввораи чоркунҷшакл бунёд ва бо чароғҳои равшанидиҳанда оро дода шудааст, ки барои сайругашти сокинону меҳмонони ноҳияи Вахш бисёр мувофиқ мебошад.

Майдони назди Парчам барои сайру гашти сокинону меҳмонони ноҳияи Вахш бисёр мувофиқ мебошад. Ҳудуди он бо гулу буттаҳои ороишӣ ва дарахтони ҳамешасабз зебу зиннат ёфта, ҳамзамон 7 нишастгоҳ насб гардидааст. 15 адад чароғаки равшанидиҳанда насбгардида, шабонгоҳ ҳусни атрофро назаррабо мегардонад ва сайру гашти бемамонияти сокинону меҳмононро таъмин месозад.

Қомат афрохтани Парчами давлатӣ дар ноҳияи Вахш таҷассумгари ваҳдату ягонагӣ, нангу номуси ватандорӣ, нишон аз эҳтироми баланди сокинон нисбат ба муқаддасоти давлатӣ, арҷгузорӣ ба таъриху фарҳанг ва дастовардҳои даврони соҳибистиқлолии Ватан мебошад.    

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520