Президенти Ҷумҳурии Тоҷикистон

Ифтитоҳи Муассисаи таҳсилоти томактабӣ ва Гимназияи хусусии “Ҳиммат” дар ноҳияи Рӯдакӣ

01.10.2020 09:00, ноҳияи Рӯдакӣ
Ифтитоҳи Муассисаи таҳсилоти томактабӣ ва Гимназияи хусусии “Ҳиммат” дар ноҳияи Рӯдакӣ  01.10.2020

1 октябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни сафари корӣ дар ноҳияи Рӯдакӣ Муассисаи таҳсилоти томактабӣ ва Гимназияи хусусии “Ҳиммат”-ро, ки дар деҳаи Гулпарвари деҳоти Чимтеппа ҷойгир аст, мавриди истифода қарор доданд. 

Иттилоъ дода шуд, ки сохтмони бинои Муассисаи таҳсилоти томактабӣ ва Гимназияи хусусии “Ҳиммат” аз ҷониби соҳибкор Саидҷалол Ғайратов моҳи январи соли 2020 дар масоҳати 0,24 гектар бо харҷи 3 миллиону 500 ҳазор сомонӣ оғоз гардида, дар як муҳлати кӯтоҳ бо сифати баланд анҷом дода шудааст. 

Бинои навбунëди Гимназияи хусусии “Ҳиммат” аз 3 ошëна иборат буда, бо муҳайë кардани 40 ҷойи кории нав ва дар як баст бо фарогирии то 500 нафар хонанда ба таҳсил, пешбинӣ шудааст. 

Гимназияи хусусии “Ҳиммат” дорои 34 синфхонаи таълимии муҷҷаҳаз бо муосиртарин асбобу аëнияти хониш, ду утоқи кории ҳайати омӯзгорон ва толори барҳавои варзишӣ буда, барои хонандагон шароити арзандаи таҳсил фароҳам мебошад. 

Бинои муассисаи томактабӣ иборат аз чор гурӯҳ барои ба тарбия фаро гирифтани 100 нафар кӯдак бунёд гардидааст, ки дорои шароити муосири таълиму тарбия мебошад. 

Синфхонаи таълимӣ, ҳуҷраи хоб, толори бозӣ ва ҳуҷраи машғулияти кӯдакон дар муассисаи томактабии мазкур мутобиқ ба завқу инкишофи тафаккури кӯдакон ҷиҳозонида шуда, барои онҳо воситаҳои дилхӯшӣ низ муҳайё мебошад. 

Президенти мамлакат муҳтарам Эмомалӣ Раҳмон аснои шиносоӣ бо шароити фароҳамовардаи таълиму тарбия дар ин муассисаи томактабӣ  баҳои баланд доданд ва таъкид намуданд, ки бо истифода аз имконоти мавҷуда ба тарбияи кӯдакон  ва омодасозии томактабии онҳо таваҷҷӯҳи  бештар зоҳир намоянд. 

Пешвои миллат зимни суҳбати озоду самимӣ бо хонандагон таъкид намуданд, ки ҳарчи бештар ба омӯзиши фанҳои дақиқ, забонҳои хориҷӣ ва технологияи муосири компютерӣ руй оварда, донишу малакаи хешро беш аз ҳар вақти дигар сайқал диҳанд. 

Дар иртибот ба солҳои 2020-2040 “Бистсолаи омӯзиш  ва рушди илмҳои табиатшиносӣ, дақиқ ва риëзӣ дар  соҳаи илму маориф” Сарвари давлат муҳтарам Эмомалӣ Раҳмон ба масъулон дастур доданд,  ки дар ин самт бо истифода аз шароиту имконоти мавҷуда тадбирҳои муҳиму саривақтӣ андешанд. 

Барои ба таҳсил фаро гирифтани хонандагону тарбиятгирандагони муассисаи таҳсилоти томактабӣ ва Гимназияи хусусии “Ҳиммат” омӯзгорон ва мураббияҳои соҳибтаҷриба ҷалб гардида, ҷараёни донишандӯзи мутобиқ ба талаботи замони муосир ба роҳ монда шудааст. 

Дар ноҳияи Рӯдакӣ даврони соҳибистиқлолӣ дар доираи татбиқи нақшаи чорабиниҳои ободонию бунёдкорӣ ҷиҳати таъмини рушди соҳаи маориф аз ҳисоби маблағҳои давлатӣ, соҳибкорон ва шахсони саховатпеша 10 муассисаи нави таълимӣ, 104 синфхонаи иловагӣ бо 6,5 ҳазор ҷойи нишаст ва 16 муассисаи таҳсилоти томактабиро бо фарогирии 2376 нафар кӯдак сохта, мавриди истифода қарор гирифтааст. 

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520