Дар доираи иҷлосияи фавқулоддаи Созмони Конфронси Исломӣ Президенти Ҷумҳурии Тоҷикистон Эмомалӣ Раҳмонов бо роҳбарон ва намояндагони як қатор кишварҳои мусулмонӣ мулоқот анҷом дод.
Дар мулоқот бо Президенти Ҷумҳурии Озарбойҷон Илҳом Алиев маҷмӯи васеъи масъалаҳои дуҷониба, муносибат ва ҳамкории ду кишвар дар доираи созмонҳои байналмилалию минтақавӣ мавриди баррасӣ қарор гирифт.
Ҷонибҳо ҳамчунин атрофи масоили амнияти минтақавию ҷаҳонӣ ва мубориза алайҳи таҳдидҳои олами муосир табодули афкор намуданд.
Бояд хотирнишон сохт, ки аксари ин мулоқотҳо бо хоҳиши мусоҳибони Президенти Ҷумҳурии Тоҷикистон Эмомалӣ Раҳмонов баъди суханронии пурмӯҳтавои Сарвари давлати Тоҷикистон, ки кулли мушкилоти кишварҳои мусулмониро инъикос намуда, барои ҳаллу фасли онҳо як қатор пешниҳодҳои мушаххасу арзишманд ворид намуд, сурат гирифтанд.