ҚАРОРИ
ҲУКУМАТИ ҶУМҲУРИИ ТОҶИКИСТОН
аз 15 апрели 2008 с ш. Душанбе № 186
Дар бораи тасдиқ намудани Оиннома ва сохтори идоракунии
Ҷамъияти саҳомии кушодаи «Нерӯгоҳи барқии обии «Роғун»
Мутобиқи моддаи 53 Кодекси граждании Ҷумҳурии Тоҷикистон Ҳукумати Ҷумҳурии Тоҷикистон қарор мекунад:
1. Оиннома ва сохтори идоракунии Ҷамъияти саҳомии кушодаи «Нерӯгоҳи барқии обии «Роғун» тасдиқ карда шавад.
2. Сармояи оинномавии Ҷамъияти саҳомии кушодаи «Нерӯгоҳи барқии обии «Роғун» дар ҳаҷми 116000000 (як саду шонздаҳ миллион) сомонӣ муайян карда шавад.
3. Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар якҷоягӣ бо Вазорати энергетика ва саноати Ҷумҳурии Тоҷикистон, Вазорати нақлиёт ва коммуникатсияи Ҷумҳурии Тоҷикистон, Агентии сохтмон ва меъмории назди Ҳукумати Ҷумҳурии Тоҷикистон ва Ширкати саҳомии холдингии кушодаи «Барқи Тоҷик» дар мӯҳлати се моҳ ҳаҷми корҳои иҷрошударо бо дарназардошти арзиши мошину механизмҳо ва таҷҳизоти дар «Нерӯгоҳи барқии обии «Роғун» мавҷудбуда муайян намуда, барои тасдиқ ва илова намудан ба сармояи оинномавии Ҷамъияти саҳомии кушодаи «Нерӯгоҳи барқии обии «Роғун» ба Ҳукумати Ҷумҳурии Тоҷикистон манзур доранд.
4. Бақайдгирии давлатии Ҷамъияти саҳомии кушодаи «Нерӯгоҳи барқии обии «Роғун» мувофиқи қонунгузории амалкунандаи Ҷумҳурии Тоҷикистон анҷом дода шавад.
Раиси
Ҳукумати
Ҷумҳурии Тоҷикистон Э.Раҳмон