Масоили вобаста ба рушди муносиботи дӯстона ва ҳамкории барои ҳарду ҷониб судбахш нахуст дар мулоқоти Президенти Ҷумҳурии Тоҷикистон Эмомалӣ Раҳмон бо Муовини сарвазир, Вазири корҳои хориҷии Давлати Кувайт шайх Сабоҳ Алхолид, Алҳамад Ассабоҳ баррасӣ шуд.

Дар мулоқот масоили ҳамкории сиёсӣ, иқтисодию тиҷоратӣ ва илмию фарҳангӣ баррасӣ шуд.

Гуфтугӯйи судманд доир ба масоили минтақавию байналмилалӣ низ сурат гирифт.

Бо ишора ба дӯстии самимии роҳбарони аввали ду кишвар ва ҳавасмандии устувор ба густариши ҳамкорӣ изҳори боварӣ карда шуд, ки сафари давлатии Президенти Ҷумҳурии Тоҷикистон ба Давлати Кувайт ба рушди ҳамаҷонибаи муносибатҳо такони воқеӣ мебахшад.