Президенти Ҷумҳурии Тоҷикистон

Мулоқот бо Президенти Украина Виктор Янукович

03.09.2011 13:00, шаҳри Душанбе

Президенти Ҷумҳурии Тоҷикистон Эмомалӣ Раҳмон бо Президенти Украина Виктор Янукович мулоқот намуд.

Дар вохўрӣ масоили ҳамкории дуҷониба ва бисёрҷонибаи Тоҷикистону Украина баррасӣ шуд.

Эмомалӣ Раҳмон бо қаноатмандӣ зикр намуд, ки «Украина тадриҷан дар сохтори тиҷорати хориҷии Тоҷикистон мақоми пешқадамро касб мекунад». Чунонки иттилоъ дода шуд, дар 6 моҳи соли 2011 ҳаҷми мубодилаи молу маҳсулот миёни Тоҷикистону Украина ба 101 миллион доллари амрикоӣ расидааст, ки ин нисбат ба ҳамин давраи соли 2010 43% зиёд аст.

Виктор Янукович ба пешрафту тараққиёти кунунии Тоҷикистон баҳои баланд дода, аз ҷумла изҳор дошт: «Сарфи назар аз вазниниҳо ва нооромиҳои солҳои аввали истиқлолият ва таъсири манфии бўҳрони ҷаҳонии молиявию иқтисодӣ имрўз мо шоҳиди рушду нумуи босуботи кишвари Шумо мегардем».

Виктор Янукович, ҳамчунин ба натиҷаҳои раисии Тоҷикистон дар Иттиҳоди Давлатҳои Мустақил ва омодагӣ ба ҳамоиши имрўза баҳои баланд дод.

Аз суръати рушди ҳамкории дуҷониба дар соҳаҳои энергетика, металлургия, мошинсозӣ, ҳарбӣ-техникӣ, илмию маърифатӣ ва фарҳангӣ низ изҳори қаноатмандӣ карда шуд.

ҳамзамон таъкид гардид, имкону захираҳои истифоданашудаи ҳамкорӣ миёни Тоҷикистону Украина ҳанўз хеле зиёданд.

Изҳори боварӣ карда шуд, ки сафари расмии қарибулвуқуи Президенти Тоҷикистон ба Украина ба рушди минбаъдаи муносиботи судбахши ду кишвар такони ҷиддӣ мебахшад.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520