29 июн Президенти Ҷумҳурии Тоҷикистон Эмомалӣ Раҳмон Сафири Фавқулодда ва Мухтори Ҷумҳурии Федеративии Олмон дар Ҷумҳурии Тоҷикистон Харалд Оттомар Лёшнерро бинобар анҷоми мӯҳлати ваколаташ ба ҳузур пазируфт.
Дар ҷараёни сӯҳбати созанда ва пурмӯҳтаво маҷмӯи васеи ҳамкориҳои иқтисодию тиҷоратӣ ва илмию техникии Ҷумҳурии Тоҷикистон ва Ҷумҳурии Федеративии Олмон баррасӣ гардиданд.
Дар мулоқот аз рушди муносибатҳои дуҷониба изҳори қаноатмандӣ карда шуд.
Ҷонибҳо бо ёдоварӣ аз имкониятҳои фарохи ҳамкорӣ, ба хусус дар мавриди сармоягузорӣ ба лоиҳаҳои стратегии ба кор даровардани захираҳои гидроэнергетикӣ, металлургияи ранга, бунёди корхонаҳои муштараки истеҳсолу коркарди зироатҳои кишоварзӣ, инкишофи туризм ва робитаҳои илмию фарҳангӣ таъкид намуданд, ки татбиқи лоиҳаҳои ба ҳарду тараф манфиатнок талаби марҳилаи гузариш ба сохти нави пешрафти Ҷумҳурии Тоҷикистон ва хоҳишу талошҳои ҳарду мамлакати дӯсту бародар аст.
Дар сӯҳбат ба мавзӯи таҳкими муборизаҳои муштараки байналмилалӣ алайҳи терроризм ва дигар хатарҳои таҳдидбору глобалии он мароқ зоҳир карда шуд.