27 июл Президенти Ҷумҳурии Тоҷикистон Эмомалӣ Раҳмон аз Сафири Фавқулодда ва Мухтори Давлати Шоҳии Баҳрайн Камол Солеҳ ас-Солеҳ эътимоднома қабул кард.

Баъди анҷоми маросими расмии эътимодномасупорӣ ҷонибҳо доир ба муҳимтарин масъалаҳои ҳамкорӣ дар марҳалаи кунунӣ ва дурнамои густаришу таҳкими равобити дерин ва дӯстонаи ду халқ ва ду кишвар мубодилаи афкори судманд намуданд.

"Мо, -изҳор дошт Президенти Тоҷикистон Эмомалӣ Раҳмон, - ба рушди равобити дӯстона ва ҳамкории амалӣ бо кишварҳои араб, минҷумла давлатҳои ҳавзаи Халиҷи Форс аҳамияти хоса медиҳем, зеро бо ин кишварҳо ва халқҳо равобити дерини таърихӣ, пайвандҳои зиёди иҷтимоӣ ва фарҳангӣ ва манфиатҳои амалан муштарак дар сатҳи ҷаҳони ислом ва ҷомеаи байналмилалӣ дорем."

Дар мулоқот ҳамчунин масоили муҳимми минтақа, мубориза бо таҳдидҳои ҷаҳонӣ бахусус, терроризм ва қочоқи маводи нашъаовар баррасӣ гардид.